2012年2月29日星期三

談楊怡口窒窒 羅仲謙死過翻生禁女埋身

去年八月,羅仲謙經歷了人生一場「大劫」,「前度」傅穎主動向傳媒爆料,指羅仲謙跟她拍拖期間一腳踏幾船,又曾毆打她,打女人此等天地不容之事迅即令謙仔慘變「賤謙」,File被畫花,辛苦經營多時的乖仔形象如浮雲般飄去!好彩,在TVB新劇《On Call 36小時》中憑「洋蔥」一角色搶回分數!所謂少講少錯,談到新舊緋聞女友,謙仔即變人肉錄音機,訪問中如播帶般不斷重覆播放公式答案。噢!40吋胸肌下是一副沒靈魂的軀殼,多麼的浪費。

攝影:徐錦池

髮型:Jan Chiu@IL Colpo

服裝: D-MOP、coolday sir

提到舊愛傅穎,羅仲謙變得好避忌。明嘅,去年被女方搞到「雞毛鴨血」,幾乎要攬住一齊死,真係執身彩,最怕講多錯多!問到謙仔對「多口穎」是否已息怒?一觸及敏感話題,謙仔帶點避忌說:「唔講啦,再講對公司,對身邊人都唔公平,專注工作啦。目前我哋無聯絡,各自做番自己嘅事啦!(係咪因為佢唔好惹呀?怕會惹出火?)無呢啲事,唔想再講以前嘅嘢,(咁將來呢?好似將來會唔會有機會合作?會唔會愛火重燃呢?)合作都OK嘅,畢竟大家都係藝人,仲係同公司藝人,我唔抗拒碰頭,如果有戲會拍,因為我會尊重角色。至於感情事唔再講啦。(咁你仲關唔關心佢嘅事呀?)睇報道會睇到佢嘅消息,(傳佢遭公司放逐喎!)梗係唔係,佢喺北京拍戲呀嘛!」謙仔唔講又講,睇得出對舊愛仍然關心!

姊弟戀無問題

所謂大難不死,必有後福,28歲羅仲謙連女友都「升呢」,快速轉換口味和32歲的無綫花旦楊怡大玩姊弟戀,咪話唔爆。提到新緋聞女友,謙仔突變漏口。「我同楊怡係好朋友咋,我哋係有約會食飯,係正常社交,只不過兩個都係藝人,所以變咗一個炒作好題材,(手都未拖過?)係……(佢唔係你杯茶?)……隨緣,我無規定同邊種女仔拍拖,唯一我可以講唔介意姊弟戀。」明白!

避忌禁女埋身

之前有報道指謙仔一腳踏十幾船,先後跟傅穎、「鵪鶉妹」黃智雯、周秀娜與「浸大 E神」楊梓瑤、落選港姐蔡慧欣等撻着!他大歎無奈:「由兩年前開始,身邊所有女拍檔都好似關我事咁,有咁多緋聞,可能自己夠健談,同女仔無避忌,好鍾意講笑,坦白講,唔只女性,其實我人緣唔差㗎,入咗TVB之後識咗好多新朋友。我唔接受一腳踏十幾船,就算得果兩、三隻船,都無錢、無時間、無能力同無本事去踏啦,為免咁多緋聞,依家開始會學識避忌,正常交際活動唔會斷,唯一係私下唔好約會女仔,費事有不必要嘅誤會。」

新劇《On Call 36小時》叫好叫座,不但為羅仲謙締造姻緣,還可以幫他「洗底」!他說:「我將會係第二個張一健成為出色醫生,最後要管教好似洋蔥咁頑劣嘅實習生!當然想乘勝追擊開續集啦!(奉旨同楊怡談情?)咩呀?到時佢係做高級醫生,由我去教學生㗎嘞。」他自行幻想說。

羅仲謙最近憑新劇《On Call 36小時》搶回不少分數。
謙仔最近憑新劇《On Call 36小時》搶回不少分數。
羅仲謙話自己同楊怡只係好朋友。
謙仔話自己同楊怡只係好朋友。
當談及其新舊緋聞女友,羅仲謙不斷重覆答案,十足人肉錄音機。
當談及其新舊緋聞女友,謙仔不斷重覆答案,十足人肉錄音機。

謙仔支持「僭建」

無巧不成話,謙仔新歡舊愛傅穎及楊怡分別傳整容!他會否介意女朋友整容呢?「如果自己鍾意嘅女仔,係唔會介意佢嘅,心地靚咪得囉,都係到時先算,都無呢啲事發生,我唔覺得傅穎及楊怡係整容喎,佢哋個樣好自然。」

Orignal From: 談楊怡口窒窒 羅仲謙死過翻生禁女埋身

周麗淇拍《神探高倫布》報恩

無綫花旦荒 有意簽為「親生女」周麗淇博命拍劇報恩

無綫近期受挖角潮影響,不論台前幕後都出現「唔夠人用」情況,一線小生花旦更成為重災區。無綫唯有四出招手,向來有觀眾緣的周麗淇(Niki),自然成為目標人選,無綫希望簽她為「親生女」,可惜Niki早已簽了經理人。雖然合作不成,但鬧花旦荒的無綫為保收視,已力邀她再度合作,與黎耀祥合作拍攝李添勝監製收山之作《神探高倫布》。為報知遇之恩, Niki早前為無綫新劇《女警愛作戰》開工,就算拍攝爬上4層樓捉賊戲份,她依然親自上陣,認真博晒命!

周麗淇(Niki)04年開始為無綫拍攝劇集以來,一直備受重用,05年更憑首擔正的劇集《秀才遇著兵》奪得「飛躍進步女藝員獎」,該劇亦創下42點高收視,之後她主演的《天幕的戀人》及《我的如意郎君》都有大收旺場,證明她是具觀眾緣的花旦。

近日無綫的花旦流失嚴重,如張可頤過檔王維基,佘詩曼返內地搵真銀,難怪日前監製李添勝亦向本報大呻無花旦用,難做好製作。在花旦買少見少的情況下,無綫自然積極向Niki這種人才招手,希望她成為「親生女」,可惜她早已泊了碼頭,簽了梅艷芳的前經理人Marianne的公司「Merry go Round」。

新劇撞期難接拍

雖然Niki做唔成親生女,但無綫依然重用她,現已力邀她演出5月開拍的新劇《神探高倫布》,該劇男主角是黎耀祥外,更是監製李添勝收山之作。對於無綫多年來力捧,Niki回應時亦很感恩,「我真係好多謝TVB,一直畀咁多機會我,希望呢套新劇可以接到,祥哥佢好受觀眾歡迎,我哋又未合作過,真係好想同佢合作,加上呢套係添哥退休作。」不過Niki經理人Marianne之後回應表示,Niki未必能接拍該劇,「Niki有個內地古裝劇可能撞咗期,所以要度度先知。」

Niki為報恩,日前除自掏腰包邀請《女警愛作戰》劇台前幕後食飯慶功外,日前就算帶病拍攝該劇,亦沒有偷懶落足心機。早前拍攝一場爬上4層樓捉賊戲份時,她亦博晒命,除了親自上陣外,試位時更連安全帶也不戴。戲中扮演女警的她,果然勇字當頭。

力證無犯眾憎

周麗淇拍攝《女警愛作戰》期間,有報道指她三宗罪犯眾憎,包括被高層梁家樹力撐擺款;更教其他藝員做戲;以及屈工作人員偷電話等。對於是非傳聞Niki都一一否認,不過在她微博就發現她跟同劇其他演員關係不俗,前日就上載了她跟朱慧敏和呂慧儀飯聚的照片,係咪犯眾憎大家自行判斷。

Orignal From: 周麗淇拍《神探高倫布》報恩

4年前涉摸岑潔儀 李思捷「斷片」講Sorry

4年前涉摸岑潔儀 李思捷講Sorry
[22:28] 2012/02/29

【on.cc 東方互動 專訊】 李思捷被指在夜店借醉向同場女性友人藝人岑潔儀,以及落選港姐曾愛媚有身體接觸,李思捷回應:「我對上一次見佢(岑潔儀)係4年前拍劇,當時情況我唔記得,斷晒片。我覺得自己冇做過,如果真係有做過真係Very Very Sorry。作為同事如果當時係有,應該即刻指住我嚟鬧。

岑潔儀受訪承認當時被李思捷摸臀部,她說:「佢行去曾愛媚度不受理,跟住走埋嚟我度摸我,斯文販類!我知佢有同曾愛媚道歉,但冇同我講,好唔專重我!」

李思捷向岑潔儀講Very Very Sorry。
李思捷向岑潔儀講Very Very Sorry
樂易玲勸籲李思捷唔會成日夜蒲。
樂易玲勸籲李思捷唔會成日夜蒲。

Orignal From: 4年前涉摸岑潔儀 李思捷「斷片」講Sorry

Twins半裸拍新碟《2-BE-FREE》封面

Twins半裸拍封套宣揚自由
[17:12] 2012/02/29

【on.cc 東方互動 專訊】 Twins相隔四年,推出全新廣東碟《2-BE-FREE》,為體現自由的概念,二人僅穿牛仔褲、赤裸上身拍攝封面,當中成員蔡卓妍(阿Sa)以大露背示人,而鍾欣桐(阿嬌)則以一隻鷹遮蓋胸前,十分性感。對應「自由」的主題,阿Sa說:「我唔再計較成敗得失,心境自由。」而阿嬌則說:「以前太在意人嘅眼光,心情經常受影響,依家學識寬容。」

Twins半裸拍攝新碟封面。蔡卓妍(阿Sa)鍾欣桐(阿嬌)
Twins半裸拍攝新碟封面。

Orignal From: Twins半裸拍新碟《2-BE-FREE》封面

新劇《雷霆掃毒》探班

林峰拱手讓獎畀鄭嘉穎
[17:06] 2012/02/29

【on.cc 東方互動 專訊】 林峰、官恩娜及苗僑偉拍攝新劇《雷霆掃毒》,林峰透露因坐骨神經尚未痊愈,而拍檔官恩娜則拉傷肌肉,故二人甫停機便齊齊嗌痛。談到鄭嘉穎加盟英皇出碟,林峰希望雙方能在音樂上交流,亦不介意將「亞太區最受歡迎男歌手」獎項拱手相讓。

官恩娜肌肉拉傷忍痛拍劇
[17:09] 2012/02/29

【on.cc 東方互動 專訊】 再度拍劇的歌手官恩娜自爆大腿肌肉拉傷,對於與同劇拍檔林峰齊齊受傷,她笑言不會互相按摩免傳緋聞。問到男友會否探班及按摩,她尷尬否認。曾與吳卓羲傳緋聞的她笑言,與「舊愛」的好友林峰不熟。

苗僑偉自爆與王維基有見面
[17:45] 2012/02/29

【on.cc 東方互動 專訊】 苗僑偉(三哥)拍攝新劇《雷霆掃毒》時表示,該劇是史無前例般多動作場面,但為了效果會親身上陣,又大讚無綫是次落重本。對於好友黃日華簽約王維基的城電,三哥坦言曾與王維基洽談,但尚未談及價錢,並否認華哥在無綫工作不愉快,亦贊成增添電視台讓演員及觀眾選擇。

新劇《雷霆掃毒》探班

Orignal From: 新劇《雷霆掃毒》探班

2012年2月28日星期二

陳倩揚恨拍《衝上雲宵2》重溫空姐夢

陳倩揚產後極速修身重投幕前工作,眼前一身少女裝扮的她完全不像已為人母,她坦言現時身形比未產子前更標準,尤其體質比以前更強壯,即使兼顧湊仔和演出工作也不覺累,完全達到家庭、事業兩得意,她更希望有機會拍今年重頭劇《衝上雲宵2》。

文:Shari 圖:鄧國良 服裝:Luvlicious 鞋:Dyos 髮型:Match 場地:香港朗廷酒店

倩揚產後立即重投工作,但已為人母的她始終以家庭為重,選擇時間較短的主持工作,大部分時間主力煮飯和湊BB。唯獨今年無綫重頭劇《衝上雲宵2》就令她心動想拍劇。

「我在日本留學時有追看家人寄來的《衝上雲宵》影帶,看完這套劇就去投考空姐,這套劇可說是帶給我很多回憶,所以知道開拍第2集,我很想有機會拍,想重溫做空姐的回憶之餘,希望將以前工作經歷放入去。」

比選港姐更弗

看倩揚的身形和外表,如果無留意娛樂報道,根本看不出她已是一子之母,由於產後修身效果理想,她現時身形比選港姐時更纖瘦,腰圍只得23吋,而令她最滿意是看起來更健康。

「我最肥階段是產後猛進補的坐月期,因為當時簽了纖體公司,叫我放心盡量進補,於是我完全無就住就住去食,肥到接近30吋腰。然後纖體系統計算我的身體機能,顯示新陳代謝和血液循環在生完BB後差了,就透過機器和人手去改善,毫無壓力就在3個月內減至102磅,身體防預機能都比以前好,現在不怕凍不易累,身體比實際年齡年輕幾歲。」

談到兒子羲廷,倩揚就禁不住滔滔不絕,由於兒子個性外向不怕陌生環境,7個月大已懂拍掌和叫自己的名字,早前她攜丈夫和兒子一家三口拍奶粉廣告,眼見兒子精靈可愛,她深感胎教的重要。

兒子不怕陌生

「我懷孕時每當出街都會同肚裏的BB講要去哪兒,叫他不用怕,又習慣去人多嘈吵地方,他出世後見到人多也從不怕,所以我有打算在他1歲前帶他到較近的地方旅行。」

主張自由發展

倩揚雖是新手媽媽,在陪月員指導下很快熟習育嬰竅門,她說在產後兩個月幸得丈夫全程幫忙,她覺得這種精神支持最重要,令她不覺得像一個人打仗。通常初為人母特別緊張,倩揚主張開放態度,讓BB自由發展,看到兒子啜手指,她從旁觀察他安全就不會刻意阻止,將來亦不會逼兒子上任何課程,依他興趣去為他安排。

陳倩揚恨拍《衝2》重溫空姐夢

陳倩揚知道將開拍《衝上雲宵2》,令她渴望參與演出。

陳倩揚恨拍《衝2》重溫空姐夢

陳倩揚表示不會強逼兒子上任何課程。

陳倩揚恨拍《衝2》重溫空姐夢

陳倩揚產後極速修身,身形比選港姐時更纖瘦。

Orignal From: 陳倩揚恨拍《衝上雲宵2》重溫空姐夢

李添勝退休作《神探高倫布》無女角嗌救命

台前幕後齊被挖空 李添勝退休作 無女角嗌救命

今年年尾,金牌監製李添勝拍畢《神探高倫布》後便正式退休,不過,退休作令添哥非常頭痕,皆因TVB編劇部除被王維基掟錢挖空外,?到飛的男女主角亦出現求過於供。為打仗,TVB於年中將連續開拍數套重頭作,《金枝慾孽2》及《衝上雲霄2》已Hold起大量?飛藝人,想一人踩兩組完全無可能,幸好添哥跟黎耀祥有深厚交情,退休作男角安然無恙,女角人選卻完全搵唔到,添哥嗌晒救命:「我要搵外援,有無好介紹?」

王維基自踩入電視圈搞免費電視台後,四出掟錢挖人,TVB幕後是重災區,原來有六十幾人的編劇已被挖剩二十幾個編劇,剩餘的大部份是初哥,唔夠人導致劇組亂晒籠,生產線幾近癱瘓,近月拍攝的三套新劇《名媛望族》、《大太監》和《女警愛作戰》便因編劇不足,劇本「寫唔切」而要「飛紙仔」,就連導演亦不夠人,其中《大太監》監製羅永賢更要落場幫手拍攝,而劉松仁?飛的《名》劇最經典,除「飛紙仔」,外景場地更是當日拍攝才度好,更因編劇太新,監製竟要求熟悉民初歷史的松哥幫手兼當編劇。有份主演的新人朱晨麗便大爆:「松哥除?做編劇,仲要改對白、度劇情,都好辛苦!」

爭主角有先例

TVB於年初的節目巡禮中曾介紹由黎耀祥同楊怡擔任男女主角的《神探高倫布》,為何開拍前女角依然懸空?添哥說:「巡禮係?宣傳策略?,比客戶睇??,所以喜劇?,我真係拍就會?實好多,而且據我所知楊怡有?拍(要拍《呂氏為王》?)聽聞《呂氏為王》同《呂后傳》都唔會拍。其實TVB一直唔夠人,從來未試過想搵某個男女藝人就可以第一時間得到,今次祥仔有檔期已經好難得,佢3月去完橫店拍《大太監》再去大陸拍劇一個月,之後先可以幫《神探高倫布》開工。」

悲歎有心無力

對於TVB淪落到要「飛紙仔」拍劇,添哥非常感歎。「唉,幕後真係走?好多人,跟我多年?AA(製作統籌)同PA(助理編導)都走晒,而家要幫《天梯》做後期,連配音、配樂同動畫我都要自己跟,唉,做得幾多得幾多啦,總之我年尾約滿,七月公司應該搵我傾,不過以目前狀況?睇,無能為力,65歲?我,行路都拐拐下,有心無力。」

將於5月開拍的20集偵探懸疑劇《神探高倫布》由黎耀祥?飛,唐詩詠任第二女角,但第一女角人選仍然無頭緒

※將於5月開拍的20集偵探懸疑劇《神探高倫布》由黎耀祥?飛,唐詩詠任第二女角,但第一女角人選仍然無頭緒。

※有傳楊怡因《呂氏為王》棄拍《神探高倫布》,家陣前者唔開,後者無份拍,添哥答得好有意思:「之前都未定實,總之我?劇好?實。」似暗示楊怡唔合資格。

重頭劇齊搶人

《衝上雲霄2》 ※5月開拍,除吳鎮宇、胡杏兒舊班底外,還加入張智霖、林?、徐子珊、陳法拉等,更打算去歐洲及日本取景。

《金枝慾孽2》 ※3月拍至7月,由鄧萃雯、蔡少芬、伍詠薇、陳豪及黃德斌等主演,6月會到橫店及北京紫禁城拍外景。

Orignal From: 李添勝退休作《神探高倫布》無女角嗌救命

鄭嘉穎加盟英皇 紅館戰林峰

鄭嘉穎加盟英皇 紅館戰林峰
[23:07] 2012/02/28

【on.cc 東方互動 專訊】 昨晚的英皇春茗上,無綫視帝鄭嘉穎宣布加盟,與林峰成為同門歌手,更即時落嘴頭希望首踏紅館開騷!一山藏二虎,連英皇高層吳雨亦笑言叫嘉穎「取代」林峰,雙生大戰一觸即發!

據知二人均簽約5年,林峰當年的加盟費是5百萬元,而「新豬肉」嘉穎則袋走3百萬元。二人「勢力」各據一方,

嘉穎直言很「恨」在紅館開騷:「好開心加盟英皇,我好鍾意唱歌,想有首代表作。」吳雨送上8號球衣,寓意他練跑準備紅館個唱,並說:「一直好賞識佢,電視風靡萬千觀眾,只欠一首成名曲,答應你打造一首全球都紅o歌。」嘉穎打蛇隨棍上:「我電影都好似冇代表作。」吳雨即承諾:「楊先生(楊受成)話開部電影畀你。」

問到是否Chok住唱,他笑說:「Chok方面我認輸,(取代林峰?)邊個講?(吳雨囉!)佢講笑,真係唔好信佢。」

吳雨承諾打造一首全球都紅的歌給嘉穎。
吳雨承諾打造一首全球都紅的歌給嘉穎。
樂易玲前來支持嘉穎加盟英皇。
樂易玲前來支持嘉穎加盟英皇。
昨晚的英皇春茗星光燦爛,很多大明星都有出席。
昨晚的英皇春茗星光燦爛,很多大明星都有出席。

Orignal From: 鄭嘉穎加盟英皇 紅館戰林峰

Coffee Or Tea? Moses 陳豪

沖奶茶的水吧師傅總是油頭垢面,說起話來更會夾雜一兩句髒話;沖咖啡的咖啡調配師一身深色制服燙得筆直,一個個英文咖啡名稱說得流利。兩個完全不同的世界,各有識花者,河水不犯井水。

街頭奶茶

將會主持第3輯《品味咖啡》的陳豪,平日溫文儒雅,身體四周彷彿被星星包圍。在《4 In Love》裏搖身一變,整天穿著1件洗得快要發黃的白色汗衣,脖子圍上1條完全稱不上是accessory的運動毛巾,MK兩字不言而喻。本以為外表斯文的陳豪定要下不少苦功去揣摩MK仔余鎮東一角,但陳豪卻說與其是扮MK,只不過是找回兒時「爛玩」的街童性格,加上一點「佬」味,即成1杯街頭奶茶,喝下去只覺爽極了。

Coffee Or Tea? Moses 陳豪

Coffee Or Tea? Moses 陳豪

Coffee Or Tea? Moses 陳豪

Coffee Or Tea? Moses 陳豪

流行新姿 Fashion & Beauty 第427期

Orignal From: Coffee Or Tea? Moses 陳豪

桃色冒險 羅仲謙

FACE週刊 第249期

面對面


桃色冒險 羅仲謙


2012年02月29日
曾以為去年底爆出一單「傅穎被男友虐打」的桃色新聞,涉案的羅仲謙被扣上「暴力男」之名,本來憑 40吋巨胸彈起、前程似錦的他應是萬劫不復,可偏偏峰迴路轉的吉人天相。殺人一萬,自損三千,而由原告變被告的那一位,更差點全軍盡墨,又一次證明「性格決定命運」。

事隔多月, 27歲的羅仲謙為新劇《 On Call 36小時》宣傳,由之前的《缺宅男女》到將於今年中播出的《飛虎》,他不單在這盤結錯綜的桃色糾紛中全身而退,新的緋聞女友更是由年齡到級數都全面升呢的楊怡。大難不死,必有後福,我信。

桃色冒險 羅仲謙

「呢件事上冇人全身而退,呢個 record會一直跟住你,只不過……當你有工作時會好感恩囉。呢行做新人開始時需要新聞,俾人知道你係邊個,當你出咗名之後,就唔能夠揀新聞。所以經歷過之後,我覺得成個人都成熟咗。可能曾經會有個諗法,呢件事會將以前嘅努力抹殺晒,但呢一刻我唔會再諗。既然已成為我的歷史,冇得改變,又何必再執着。」

也對,正如歌詞所說「讓往事流逝,一圈又一圈像煙,彼此的噩夢,做完留在夢那邊,於一起,沒好的事件,應該隔遠一點,背對背上演,桃色冒險……」在為登台而練歌的羅仲謙,會考慮試唱嗎?

食得鹹魚抵得渴


桃色冒險 羅仲謙

日前,美術部的同事在公司餐廳遇見正接受其他報刊訪問的羅仲謙,忍不住將偷拍照放上 facebook大讚「真係好鬼靚仔」,跟住友人七嘴八舌補充:「花心男給我都唔要!」、「但佢都真係幾靚仔!」……以美可以抵過,恃靚可以行兇,世情就是如此。

我相信,想了解一個人,不如從了解他的敵人開始。話說兩年前初入行,因採訪關係而傅穎跟我結怨,事後對方在 blog上特別指名道姓「鳴謝」我,所以傅小姐之於我的印象,禮貌的說法是好強,難聽一點就是小器記仇報復心重。道行低如我者都知道,無論前者後者,在娛樂圈行走都是死症。所以當爆料一出,天秤傾斜往羅仲謙一方的因由,不難理解。

F:《 FACE》 羅:羅仲謙
F:以後傳媒再問傅穎的事還會不會回應?
羅:唔再講啦,真係唔好意思,因為要交代的都交代晒,再講啲乜嘢對大家都唔好、對邊個都唔公平。最緊要係我開心發展時,佢亦開心發展,大家齊齊努力工作。
F:去年的事有沒有改變你什麼?
羅:每一行都有佢嘅難處,食得鹹魚抵得渴。我又唔會特別交代,要發生嘅始終會發生,我冇可能冇唔開心。咁我想問可以點?我都要繼續做嘢㗎啦,慶幸我呢一刻可以有好多工作接踵而嚟。我學識咗更加珍惜o依家擁有囉。(當時怕不怕演藝事業會終結?)會有危機感,可能真係好彩啦,身邊有一啲朋友……有佢哋嘅幫忙,令我解決得到。(什麼幫忙?)鼓勵囉,其實實質嘅嘢我覺得好難講,我識嘅又唔係老闆。當你個人心境平靜愉快舒暢,就好似行嘅路都順啲。當你成日都擔心嘅時候,咩嘢發展都唔好。好似人逢喜事精神爽一樣。以後無論發生咩事我都會多幾個處理手法,諗嘢會全面啲,唔會再好似以前咁單純;而且我都冇以前咁活躍,成個人沉(重)咗。
F:覺不覺得輿論一面倒支持你?
羅:我成日覺得一隻手掌拍唔響,但因由我唔會再仔細去講。過去咗就過去咗,但係我會話你聽,大家都有責任。我已經唔係一張白紙,我已經有一個 record,呢個 record會跟住你終生,可能到我退休,攞埋「萬千光輝演藝大獎」,報道一出都會有呢個 record,但係諗開啲,每個人都有自己嘅歷史,不過你係公眾人物就會有個 file被公開。
F:但大家已將你同崔建邦劃成「暴力男」的代表。

羅仲謙在《 On Call 36小時》擔正第二男主角,在戲中飾演一個有天分但玩世不恭的見習醫生,與前輩楊怡有感情線。《蘋果日報》圖片
羅仲謙在《 On Call 36小時》擔正第二男主角,在戲中飾演一個有天分但玩世不恭的見習醫生,與前輩楊怡有感情線。《蘋果日報》圖片

本來打算投考紀律部隊的羅仲謙,去年 1月夥拍馬德鐘等人拍關於飛虎隊的劇集《飛虎》,他說算是一嘗心願
本來打算投考紀律部隊的羅仲謙,去年 1月夥拍馬德鐘等人拍關於飛虎隊的劇集《飛虎》,他說算是一嘗心願。

羅仲謙和楊怡被指因合作《 On Call 36小時》而戲假情真,更被拍到萬聖節當晚到大埔 BBQ,甚至有指羅於友人面前數女方正值狼虎之年
羅仲謙和楊怡被指因合作《 On Call 36小時》而戲假情真,更被拍到萬聖節當晚到大埔 BBQ,甚至有指羅於友人面前數女方正值狼虎之年。

羅:我唔能夠改變以前嘅嘢,甚至好多人會咁諗我,咁我可以點啫?好嘅新聞、唔好嘅新聞我都只可以接受。
F:覺不覺得自己好幸運,可以大步 過低潮?
羅:我唔會去諗係咪過咗個低潮,真係唔想鑽牛角尖,可能幾年之後諗番會覺得做咩要再諗呢?老實講,呢兩年經歷過好多嘢,我咪又坐喺度同你傾緊偈。咁不如好好哋珍惜呢一刻,為將來鋪路!
F:有沒有哪一單消息對自己打擊最大?
羅:最深刻有份報章話我有好多個女朋友(一腳踏 13條船),嗰一刻我唔係嬲而係呆咗,眼都凸埋,只不過將凡合作過嘅人都寫晒落去。我會諗唔知有冇人信?關我咩事呀?可能 2年後再同你做訪問,我可以當笑話同你講,但我 o依家又未到呢個層次。

隨緣不是消極


F:最新的封面是關於你和楊怡……我還沒問完,為什麼你先笑了出來?因為心甜?
羅:其實我哋係朋友關係囉,只係我哋好唔避忌。(訪問之日正是情人節,有什麼安排?)做完訪問返屋企,同屋企人食飯。
F:現在學懂跟傳媒交手,凡事要保留來保護自己?那會不會坦白交代感情?
羅:私人感情我會留番啲空間。(不想好像陳豪和陳茵媺般受大家祝福?)如果將來我有伴侶,都未必學到佢哋,首先好多嘢要配合,未必自己想就得。(公司反對?)唔係,可能自己肯,人哋未必肯。(如果另一半肯公開呢?)可以配合,我冇所謂呀!雙方面協調過一定最好,得嘅就大家分享,唔得嘅就大家一齊捱過囉。(公司有沒有禁止拍拖、要你守色戒?)一直都冇,咁大個人唔會唔識分好與壞嘅。
F:那你與楊怡有沒有發展的可能?
羅:我哋係有約會、食飯,不過大家將件事誇張咗。只係我哋多對手戲又啱傾,之後又一大班朋友出嚟食過飯。至於會唔會發展,真係隨緣囉。(怎樣啱傾?)冇得解釋,好似我同你都好啱傾咁囉,人夾人緣。(會接受姊弟戀?)感覺冇分年齡嘅,自己又唔會抗拒,溝通到就 ok。(但二人事業上有差距呢?被人挖苦你越級追求,不會感到難受?)如果你哋係真正相愛,呢個唔係重點囉。我又唔會話唔諗嘅。(女尊男卑喎?) Hey,乜嘢尊尊卑卑吖,到頭嚟不過係一場空!只不過大家 o依家生活嘅價值觀會有呢樣嘢啫。
F:為什麼不停說隨緣、緣分?你相信命中注定?還是,有些問題只敢說隨緣來搪塞?

去年 8月羅仲謙與傅穎的感情糾紛鬧至滿城風雨,更爆出動粗事件,最後二人在公司安排下分別開記招回應
去年 8月羅仲謙與傅穎的感情糾紛鬧至滿城風雨,更爆出動粗事件,最後二人在公司安排下分別開記招回應。

去年 8月羅仲謙與傅穎的感情糾紛鬧至滿城風雨,更爆出動粗事件,最後二人在公司安排下分別開記招回應

羅:因為好多嘢講定都未必會發生,好似有啲工作我想做但做唔到,但係成事在人,謀事在天。……我好細個就相信一句說話「百世修來同船渡,千世修來共枕眠」。今日我哋之所以坐喺度傾偈,可能前世我哋欠對方錢呢,有啲嘢要還嘅。(包括一些孽緣?)唔得,唔可以用呢個字眼。

不再執着


桃色冒險 羅仲謙

F:出事之後,家人有沒有為你擔心?
羅:將心比己,我知道佢哋係擔心,但佢哋唔會好直接咁講呢件事,只係好隱晦問「今晚返唔返嚟食飯呀?有你鍾意食嘅乜乜乜呀!」;有時又一齊放吓狗呀、行吓街,其實我知道佢哋嘅目的係乜,感受得到,但係咁先內疚嘛、咁先傷心,但係我又唔可以俾佢哋知道自己唔開心。其實我自己係大孫,背負咗好多期望,同埋又係男人,會覺得有責任要 take care所有人,所以有啲嘢要擺喺個心入面。我唔開心就出海游吓水、望吓啲魚,就會開解到自己。玩潛水我領略到一樣嘢,呢個世界好大,我唔算得係啲咩嘢,就唔會再執着,不如諗吓點樣做好自己,自己係人哋個仔、係人哋個侄、係人哋個孫,第時仲有機會係人哋個老公、爸爸。

F:現在事過境遷之餘,在 TVB又一劇接一劇上位在望,家人可以放心啦!
羅:呢一刻我會因為屋企人為我驕傲而開心,亦都因為屋企人為我擔心而唔開心。佢哋到今時今日都仲覺得做藝人係一份唔紮實嘅工作。 o依家佢哋可能覺得多咗機會喺電視機見到你嘅工作,會開始安心啲,最好個個月都見到你添,證明你忙到不得了!

其實同我最 close反而係伯父,而且好細個已經明白,就算爹哋媽咪分開咗,佢哋都仲係我爸爸媽媽,呢樣嘢唔會變,所以我嘅家庭觀念好完整。而伯父嘅家庭觀念好影響到我,佢做人好擔帶,雖然佢冇結婚冇仔女,但佢會照顧埋細佬嘅家庭。以前睇住啲長輩嚟大,我成日都會諗佢哋想要啲咩呢?有時會內疚,好耐冇返屋企見吓佢哋。可能佢哋想每日都見到你、想一齊食吓飯。當你知道嘅時候,我嫲嫲已經過咗身,所以你知道有啲嘢唔係永恆。

05年羅仲謙陪女朋友試鏡而被公司星皓發掘入行,跟劉心悠合拍電影《阿嫂》
05年羅仲謙陪女朋友試鏡而被公司星皓發掘入行,跟劉心悠合拍電影《阿嫂》,「我覺得o依家嘅發展不過不失,如果 keep住咁嘅進度,做到 40歲應該唔差。」《蘋果日報》圖片

羅仲謙中五畢業,在青衣灝景灣任私人泳池救生員,當時已月入萬多元,直至 05年入行亦繼續兼職,幫補生計
羅仲謙中五畢業,在青衣灝景灣任私人泳池救生員,當時已月入萬多元,直至 05年入行亦繼續兼職,幫補生計。

那些年的日劇迷


在 01年日劇《巨星夫婿》裏,長瀨智也飾演外表 cool爆但私底下老土傻氣的明星,與妻子竹內結子為隱瞞婚事而鬧出不少笑話
在 01年日劇《巨星夫婿》裏,長瀨智也飾演外表 cool爆但私底下老土傻氣的明星,與妻子竹內結子為隱瞞婚事而鬧出不少笑話。

訪問尾聲,我跟羅仲謙的經理人「投訴」 80後的他何解暮氣沉沉,經理人溫馨提示我,不如問問他的偶像是誰。「未入行前我好迷日劇《巨星夫婿》嘅女主角竹內結子。」即是由長瀨智也主演、講述秘婚明星的故事。「係呀,長瀨智也好有型㗎!喺劇入面、喺外面佢好有型,但返到屋企就(喊)『老婆、老婆』!我好鍾意《巨星夫婿》同《我要發達》( 96年曾於亞視播出)!你有冇睇過《我要發達》呀?我好鍾意織田裕二㗎!」

羅仲謙說得興奮,連本來低沉的嗓子都高了八度,即時回春。本來我還想問他有沒有追看竹內的新劇《草莓之夜》,但一想到她演的是慘遭男性施虐的角色,既然羅仲謙難得盡現性情,我又何必自討沒趣?

撰文:孫月華
攝影:范仲良
化妝: Percy Fan@Annie G. Chan
髮型: Jan Chiu@ILColpo( Grand Hyatt)
形象: Bryan@the Flaming
服裝: another

Orignal From: 桃色冒險 羅仲謙

樹仁講talk招兵 王維基豪請U仔撼TVB

FACE週刊 第249期

Main Camp


樹仁講 talk招兵 王維基豪請 U仔撼 TVB


2012年02月29日

上週五( 24日),「電訊魔童」王維基,帶同廖碧兒、周家怡、張可頤、黃日華、林文龍等前無綫藝人,於將軍澳工業邨進行其新電視製作中心的動土禮,選址只與無綫電視城隔幾條街,擺明車馬向 TVB宣戰。

王維基表明會再簽有分量藝人及幕後外,上週二( 21日)他更與一眾幕後及高層踩入樹仁大學開招聘會,希望收大量大學生撼無綫!王維基更好大信心話:「只要收視最高嘅劇集,全組會分 100至 150萬!」實行打銀彈戰!

樹仁講talk招兵 王維基豪請U仔撼TVB

想 hea去將軍澳電視台!
舊世界對創作人唔重視!
人哋用膠片當玻璃窗、拉海報就當屋外街景,我就會用實景拍劇!
在兩個多小時的招聘講座,王維基除介紹新電視台規模,亦有不少暗寸無綫是舊世界及制度過時內容!

王維基連同正熱播的無綫劇《 On Call 36小時》前編審孫浩浩、潘漫紅,《潛行狙擊》前編導蘇萬聰等 10多名幕後 fit馬,浩浩蕩蕩到樹仁開招聘會,當王維基逐一介紹 fit馬之前在無綫主理過的電視劇,全場師生即報以歡呼聲。

樹仁講talk招兵 王維基豪請U仔撼TVB
迫爆社堂
難得王維基拖馬到樹仁請人,禮堂 400多個座位,早就坐爆,不少同學甚至要企在旁聽。

樹仁講talk招兵 王維基豪請U仔撼TVB
眾星撐動土
上週五,一眾已加盟王維基的前無綫藝員,出席王的動土禮,齊齊為老闆造勢。

前無綫《 On Call 36小時》編審孫浩浩、潘漫紅
前員工爆料
當日除了王維基上台介紹公司,前無綫《 On Call 36小時》編審孫浩浩、潘漫紅在席上就爆:「根本不想加楊怡及 黄智雯係親姊妹關係,不過上頭要求指定劇情,醫生劇根本唔應該加樣板內容!」

我有好多個 25億


甫上台王向在場 400多名同學大派定心丸,「我 5張( 50歲)啦,如果攞 20-25億放入銀行收息,可以食過世,但我好鍾意玩呢行(電視台),所以會投資 5年,大約 20-25億,雖然家仲未開始拍劇, 300員工幾萬蚊分量加器材,每個月 1千幾百萬唔算好多,我仲有好多個 25億!」

確實記者見王的電視台無論編劇及藝人的招聘薪金,比無綫都為高,好似無綫的編審,新入職有 11,000元,王則有 12,000元,而無綫新藝員只有幾千元,王就以 10,000元作起薪點,王解釋:「我哋出嘅價比其他電視台高,因為人才應該受到尊重,舊世界(無綫),觀眾永遠唔會知道幕後精英,但我覺得,應該同等看待!」

爭取表現


為了令王維基中簽為演員、司儀或幕後,各同學都有備而來,唱歌,唔收錢都出齊!

即場唱歌
美國西雅圖音樂學院學生
夏啟華





本來只是講座,但到發問環節我就主動舉手攞咪,我係學院學生,所以即場騷吓歌喉,唱一曲〈我真的受傷了〉,王維基都有讚我靚仔有歌藝。我諗我有七、八成能被取錄!獻唱完即場被工作人員拉到一邊影相、留電話。

免費打工
樹仁經濟及金融系 Yr.1
謝同學





我知自己未畢業,好難要求對方請我做全職,所以我咪主動提出,為了入電視台工作,就算唔收錢都肯做,當學嘢!

整靚 CV
樹仁新傳系 Yr.4
簡彩欣





我面試第一句就係話我不要做花瓶!
我覺得靚女都需要有才華,所以我不斷增值自己及參加多個司儀及 DJ比賽,亦喺港台節目〈 Teen Power〉做過,希望令自己履歷更豐富。

對鏡練戲
浸大電視電影系 Yr.3
何樂儀





我係港台節目〈 388放題〉的 DJ Edna, Henry哥哥的拍檔,當初入讀電視電影系,為了就是想在電視圈工作。對於這次面試,我早幾晚已在家對鏡練口才,雖然面試時有少少窒,但總算完成了,希望可以做到吧。

開 9組劇組



直擊揀蟀
王維基及一眾高層,主力接見投考演員及司儀的同學,要得到 9位考官認同,絕不容易,加上在場有兩部攝錄機拍低同學靚樣,看看是否上鏡。

除了用高薪吸大學生,王亦豪推獎金啟發創作,「我將會開 9組劇組,當電視台開播後,會論收視行賞,如果收視最高嘅劇集,全組(台前幕後)會分 100至 150萬獎金作鼓勵,希望激勵員工!」不過王維基亦清楚向在場同學表示,「如果大家(同學)想 hea,請去將軍澳嗰個電視台,如果要搏殺,認真做啲嘢,咁就揀啱啦!」


請 700大學生


王表示會請近 700名同學入不同部門,但記者見單是樹仁應徵演員及司儀的同學已近 200名,見他們化行妝外,不少亦有備而來,除了有同學即時在王維基前獻唱,亦有考生帶齊以往演出履歷,希望吸引對方,本刊就直擊王維基揀蟀過程,他除了要求考生 2分鐘自我介紹外,亦預先給考生 1個臨時表演,全程亦會拍 video做紀錄,他向記者解釋:「希望了解考生之餘,亦了解考生反應及上唔上鏡。」
同場亦進行助導及編劇面試,負責面試的總導演蘇萬聰透露,「我會以 8人一組做小組討論,問佢哋鍾意咩電視劇或電影,再要求佢哋講出原因,藉此了解佢哋對電影認識及概念!不過我哋好睇對電視工作有冇熱誠,因為經過兩輪面試,成功取錄,會上 4個月培訓班,如果同學有心,唔該帶埋自己作品,等我哋認識你!」

余可穎 樹仁中文系 Yr.4





之前做話劇都有幫過手做 P.A.,今次聽完呢個講座,覺得入面啲人際關係好好,返工應該會好開心,好想做助導。

MAX 浸大電影電視系 Yr.3





見好多人排隊面試,我都喺度執靚份 CV,將做過嘅 freelance寫埋落去提升吓自己競爭力。

李芷慧 樹仁新傳系 Yr.4





整個面試過程都好似同考官傾吓偈咁,我哋有幾個考生喺學校入面本身都有拍開劇,感覺都 ok!

小組應考


投考編劇及助導同學,分 8人一組, 15分鐘時限,回應 10條試題,考官再揀合適同學入第二輪面試。




考官 總導演 《潛行狙擊》編導 蘇萬聰
我哋揀同學除咗睇對電視製作觸覺,最重要係有冇熱誠!

試題曝光


據知應考編劇及助導的同學需要解答 10條試題,以下就是部分內容,想應考同學請諗定答案!
1.請講出你最鍾意的電視劇及電影,並說明原因。
2.在大街上拍攝期間,被不少 fans影相打擾,應如何解決?
3. P.A.的工作做甚麼?
4.拍攝時如服裝不夠臨時演員穿着,應如何解決?

實面試




王維基或其團隊將會去多間大學及大專院校招募新血,有心入行的同學,要睇實時間!

Orignal From: 樹仁講talk招兵 王維基豪請U仔撼TVB

《名門望族》吳卓羲監獄打鬥外景

FACE週刊 第249期

FBI File


吳卓羲拳拳到肉


2012年02月29日

《缺宅男女》被大讚演技進步嘅吳卓羲,轉個頭又拍另一套大劇《名門望族》,原本夥拍陳法拉,但法拉因為驚臉癱辭演,由楊怡同「翻版法拉」朱晨麗頂上。

自從有咗張馨予,吳卓羲真係積極過以前。上星期五, FBI喺中環域多利監獄附近撞到吳卓羲為《名》趕拍一場監獄打鬥外景,講佢喺監獄做苦力洗衫,唔小心用水潑到隔籬個犯,之後仲打起上嚟,雖然只係短短分幾鐘戲,但吳卓羲就鬼咁落力打,真係拳拳到肉㗎,好彩佢打嗰個唔係 FBI啫。


跳舞出身嘅吳卓羲,身手都算唔錯,但俾佢打嗰個就陰功,拳拳有力 㗎!


今次吳卓羲喺新劇唔 sell靚仔樣,剷短個頭扮 man。


《名門望族》因為係民初劇,所以就喺古蹟域多利監獄拍打鬥戲,唔好再話 TVB求其喇。

Orignal From: 《名門望族》吳卓羲監獄打鬥外景

蔡少芬抱重磅B 會友解鬱結

早前張崇德與劉美娟於長子天藍逝世7年當日力數醫委會多年亦無結果;而蔡少芬的外婆過身之餘其母卻到澳門賭錢,幾位教友老友各有煩惱,前晚他們相約朱茵和黃貫中(Paul)等於藝人之家聚會,聚會過後相信心情抒解不少。

蔡少芬(Ada)與老公張晉於前日星期日,大約傍晚5時半左右,帶同約九個多月大的囡囡楚兒,一家三口到達位於尖沙嘴加連威老道的藝人之家,他們相約了一班圈中教友,當中包括早前在微博吐鬱求助,指控7年前長子天藍甫出世便逝世但直至今日仍未得到醫委會的調查結果的張崇德,他與老婆劉美娟及兒子日希和女兒日晴一同出席,另外還有黃貫中及女友朱茵等。

重磅B女張楚兒噸位十足,蔡少芬抱她顯得甚吃力。
重磅B女張楚兒噸位十足,蔡少芬抱她顯得甚吃力。

由於Ada及張崇德兩家人於近日也各有不快事,相信他們在聚會中也分享了不少。只見眾人於上址逗留了一個半小時,約7時多便開始陸續離去,而首先離開的是蔡少芬一家,其後是Paul與朱茵。只見當時手推着BB車的Ada面容明顯比聚會前輕鬆。

蔡少芬與老公張晉邊行邊傾。
蔡少芬與老公張晉邊行邊傾。

阿Paul與朱茵的車也泊在附近,離去前與蔡少芬道別。
阿Paul與朱茵的車也泊在附近,離去前與蔡少芬道別。

與老公有講有笑

雖然當晚是星期日晚的關係,街上行人頗多,街道擠逼,但Ada亦經常回頭與緊隨其後的老公傾偈,更細聲講大聲笑,非常開心。而他們過對面馬路往停車場取車時Ada也非常細心,即使綠燈時也左右張望過清楚才推着寶貝女過。

未知是否怕武師出身的老公粗手粗腳,Ada到達停車場後也「一手包辦」的把女兒抱上車的後座並縛好安全帶等等,但楚兒也頗具噸位,令到Ada抱起她時甚為吃力,而張晉其後也執手尾把BB車等嬰兒用品放好在車上,並由老婆駕車離去。

此時阿Paul與朱茵亦抵達停車場取車離去,恰巧他們的車泊於Ada的車附近,所以離開前也不忘互相道別。至於張崇德一家於大約8時便離去,並有講有笑。

張崇德一家留到晚上8時才離開。

朱茵素顏執狗屎

朱茵日前被發現於九龍城士他令道寓所樓下帶其金毛愛犬散步,當日朱茵雖然頭戴cap帽並架上黑超,但亦有途人似認出。只見朱茵帶着愛犬的在樓下街頭行至街尾,歷時約十五分鐘左右,期間愛犬「辦大事」後,朱茵也有妥善處理,一盡狗主責任。

朱茵素顏執狗屎

Orignal From: 蔡少芬抱重磅B 會友解鬱結