撰文：羅美倫
當年男子組合「風雲」的小伙子—鄭敬基在樂壇追逐理想，憑獨特的沙啞聲線在樂壇發展不俗，被稱為香港占士甸，跟女歌手黃寶欣合唱的《酒杯敲鋼琴》更是hit歌，歌而優則演，Joe在98年拍的電視劇《烈火雄心》演的司徒拔一角，與錢嘉樂、王喜三個熱血消防員形象深入民心。經歲月洗禮，Joe已是50歲的中年男人，也由幕前人轉型做幕後管理層。
50歲的鄭敬基在加拿大專心事業發展，感情未有着落。
Joe與18歲的女兒感情要好，事事有商有量。
Joe的兒子已22歲，兩父子就如兩兄弟般老友。
移民接受挑戰
90年代中，Joe一家四口移民多倫多，即擔任多個電台清談節目主持人，及後更成為電台節目總監。其間他亦有返香港拍戲，包括為人印象深刻的《烈火雄心》、《九五至尊》等，直至08年接受新挑戰，擔任了全加拿大第一個二十四小時全高清數碼中文電視台加華視訊WOW TV的電視節目總監，至2010年Joe離開WOW TV，與幾位朋友合資成立網台inix.tv做起老闆來，不過剛在九月他又淡出只擔任網台顧問，再接受另一份挑戰，出任華獅電影發行公司的多倫多分公司總經理，負責全加拿大的發行業務。
Joe在長途電話中說：「淡出inix.tv，畀啲後生仔玩，我就試下做未做過又喜歡嘅事，其實做網台啲客戶直播都有啲錢賺，但我仲有仔有女，既然有個好機會嚟到，咪試下囉，之前都有掙扎過，見到存款得番少少喎，叮叮聲響警號，就會有啲緊張，係咪要返香港拍嘢呢？通常呢啲情況都係做番自己最擅長嘅，返香港都OK，我都有同仔女商量，個女話冇所謂，後來我決定留低佢就話好開心。」原來唱歌叻的Joe很喜歡看電影，一年睇近100部，因覺得可透過電影警惕幸福可以突然失去，但亦會否極泰來做人不用太灰。
鄭敬基與舊愛鄧萃雯再見亦是朋友，在加拿大時雯女曾接受他訪問。
鄭敬基與黃寶欣當年的《酒杯敲鋼琴》唱到街知巷聞。
搵雯女做訪問
Joe口中的子女原來都分別22及18歲了，但他多年前離婚一直未有再婚，在香港曾與鄧萃雯、鄺文珣拍過拖，反而在多倫多專心發展事業，他亦不急於搵個伴侶：「呢兩年都冇，我人生中出現好幾段感情，對方都盡心愛過你，又離咗婚，有個曾經好愛自己嘅太太，我家同佢、佢先生都係好朋友，仔女同我又好好，一個人唔係成日要諗感情，咁大個仲諗童話故事咩。」
不過Joe的朋友見他寡佬一名，怕他悶曾安排相睇，Joe說：「試過一次安排食飯，感覺好怪，佢哋有心做，但我冇反應，我幾鍾意家咁，一個就嚟五十歲嘅人，唔會成日諗自己夠唔夠靚仔夠唔夠瘦，呢個年紀要做令自己開心嘅嘢，諗拍拖唔係令我開心嘅事。」沒有感情着落的Joe，跟前妻仍是好朋友，早前鄧萃雯到多倫多，亦接受Joe邀請上了電台做嘉賓，Joe笑言：「知佢嚟就搵佢做訪問，通常都得嘅，因為冇乜唔好嘢做過嘛，哈哈……」
鄭敬基在《烈火雄心》中的司徒拔深入民心，與王喜、錢嘉樂拍得開心。
Joe回流返港與江華合作過的《九五至尊》，叫好又叫座。
鄭敬基（右）與陳少偉組成的「風雲」樂隊，在樂壇發展平平。
不懷念唱飲歌
轉型做了電影發行公司高層，但Joe叫人最難忘的，還是他的飲歌《酒杯敲鋼琴》，問到可有去登台表演，Joe笑笑說：「間中有去美國登台，啲香港代理仲有搵，可能貪近啩，其實我自己就唔係好掛住呢啲歌，反而我生日啲朋友係咁叫我唱，好鬼煩，係要奚落我，不過大家真係好記得呢首歌。」
Orignal From: 都是那些年：鄭敬基寡佬愛自由
沒有留言:
發佈留言