2012年10月4日星期四

愛你變成害你 黃智賢

壹週刊第1178期

熱播中的《雷霆掃毒》,潘Sir為求上位心狠手辣,私底下,黃智賢(Ben)攬住兩隻小狗卻是一副慈父相。在阿Ben的微博中,經常見摩天使Cream Cream和T-cup貴婦Pepper的可愛玉照。不過,年幾前,他養了十五年多的約瑟爹利CoCo病重死去,卻令阿Ben反省做主人的應有態度,因為一個決定,足以致命。對寵物過分溺愛,會否反而變成一種傷害?

黃智賢養新狗時,刻意選擇約瑟爹利以外的品種。白色的摩天使Cream Cream愛黏人,好窩心。黑色的T-cup貴婦Pepper性格文靜,鍾意霸梳化,似公主要人遷就。
養新狗時,刻意選擇約瑟爹利以外的品種。白色的摩天使Cream Cream愛黏人,好窩心。黑色的T-cup貴婦Pepper性格文靜,鍾意霸梳化,似公主要人遷就。

白內障到腎衰竭


十多年前,阿Ben和太太在寵物店買下狗女CoCo。到CoCo十五歲半時,被發現有白內障。獸醫認為牠年紀大,不宜動手術。「後來見佢日日撞牆,連食物兜都看不到,好可憐,忍不住帶牠再看專科。」獸醫中的眼科醫生為CoCo做全身檢查,表示牠年紀雖大,但身體狀況理想,可承受手術風險。「當時醫生話,年中做過不少同類手術,成功率達九成,而且手術後寵物好快睇得番嘢。」聽到呢句,阿Ben極之心動,馬上決定做手術。
手術歷時數小時,CoCo要接受全身麻醉,切除眼球的鈣化晶體。手術完成後,Ben接牠回家,當晚已察覺不妥。「CoCo變得緊張,身體虛弱,醫生話佢隻眼發炎,要keep住滴眼藥水,後來我先知眼藥水的成分有類固醇。」經過兩個月不斷服藥、覆診,CoCo終於重見光明,但牠的身體機能卻嚴重衰退,不足一個月,CoCo因急性腎衰竭而死。

《雷霆掃毒》有很多狗主,黃智賢說:「官恩娜、三哥都有養狗,可惜套劇無咩同狗做對手戲嘅場面,如果有警犬都幾好玩。」
《雷霆掃毒》有很多狗主,Ben說:「官恩娜、三哥都有養狗,可惜套劇無咩同狗做對手戲嘅場面,如果有警犬都幾好玩。」

CoCo是黃智賢和太太第一次養的狗,睇住佢大,亦親手送牠最後一程。「由臨終至火化為止,我們一直輪流抱CoCo,唔想佢覺得孤單。」
CoCo是Ben和太太第一次養的狗,睇住佢大,亦親手送牠最後一程。「由臨終至火化為止,我們一直輪流抱CoCo,唔想佢覺得孤單。」

怪自己無多問


「到今天,那名醫生仍然堅稱手術成功。我並非要投訴,畢竟狗主有責任考慮清楚,但我希望醫生可以先解釋清楚手術風險有幾大,會引起什麼後遺症。」阿Ben說時眼紅紅,他自責當日決定得太輕率。「如果,我當日問得仔細點,或者帶牠多看幾次醫生,是否可避免最壞的結局?」為了CoCo的事,Ben和太太非常傷心,直至Cream Cream和Pepper加入大家庭,才解開心鎖。「而家老婆成個健康專家咁,選狗糧要選最天然的,又唔俾狗仔跳上跳落,以免關節勞損。」看似已放下CoCo的事,但Ben卻搖搖頭:「始終CoCo的事,我哋會一世記住。而且係佢用生命教識我哋,以後要點錫狗仔。」

黃智賢為了狗仔甘於做湊仔公,孭狗的袋購自泰國,是貨真價實的BB孭袋。
Ben為了狗仔甘於做湊仔公,孭狗的袋購自泰國,是貨真價實的BB孭袋。

CoCo走後,黃智賢一家為牠出版紀念冊,內有多張珍藏照片,還有女主人的親筆信。
CoCo走後,Ben一家為牠出版紀念冊,內有多張珍藏照片,還有女主人的親筆信。

愛協獸醫:並非有病就要開刀


黃智賢希望分享喪犬經歷,讓其他狗主借鑑,在為狗仔做醫療決定前一定要多諮詢,查清楚資料。
Ben希望分享喪犬經歷,讓其他狗主借鑑,在為狗仔做醫療決定前一定要多諮詢,查清楚資料。

香港愛護動物協會高級獸醫Dr.Chiraq指,寵物是否適合做手術,要看年齡、身體狀況外,還要考慮手術風險,以及對寵物的關鍵程度。「例如年老貓隻有腸胃和關節問題,做手術也難以根治,不如用藥物和針灸治療,配合處方貓糧,改善貓兒的體質,連帶減輕病情。」要做手術,除非病情有即時危險,或病況必須開刀。「以白內障為例,只有經手術才能康復。但開刀前,仍須三思是否必要,因為寵物未必承受到手術帶來的副作用和後遺症。」所以,有時遇上年邁患癌的寵物,獸醫會建議主人放棄手術,改用針灸、物理治療等方法減輕牠們的痛苦。

撰文:鄭鳳
攝影:胡春輝


Orignal From: 愛你變成害你 黃智賢

沒有留言:

發佈留言