《爆足一周》冇料爆 網友鬧爆

查小欣喺TVB最近嘅節目《爆足一周》o尋日首播，前幾日佢拜神時仲口口聲聲話喺TVB播都留情面，照爆藝員o既新聞。

不過o尋日《爆足一周》播完第一集，網民插爆節目完全冇料到，成晚討論黎基婚變都得個吹字，所有資訊都係由雜誌報紙嚟嘅，完全無新料爆。個節目似乎只係適合一啲唔買報紙雜誌唔上網嘅人士收睇，今日TVB公佈《爆足一周》有17點收視。

有高登網民話:「睇左15分鐘，結論係膠力十足，成班人係度討論+分析娛樂新聞，仲衰過娛樂新聞報導+東張西望」，亦有網民話:「查嬸都算啦，有後生仔女陪佢癲，福爾摩斯上身咁查八掛嘢。」


《爆足一周》片段

---

Orignal From: 《爆足一周》冇料爆　網友鬧爆